საქართველოს მოქალაქეების განცხადება 2013 წლის 17 მაისის მოვლენებზე

საქართველოს პრეზიდენტს, ბატონ მიხეილ სააკაშვილს
საქართველოს პრემიერმინისტრს, ბატონ ბიძინა ივანიშვილს
საქართველოს პარლამენტის თავმჯდომარეს, ბატონ დავით უსუფაშვილს

2013 წლის 17 მაისს განხორციელდა ჰომოფობიასა და ტრანსოფობიასთან ბრძოლის საერთაშორისო დღესთან (IDAHO) დაკავშირებული აქციის დარბევა აგრესიული ჯგუფის მიერ, რომელსაც ხელმძღვანელობდნენ საქართველოს მართლმადიდებელი ეკლესიის წარმომადგენლები და მათი მომხრეები. მათ საქართველოს საზოგადოებისა და ქართველი მართლმადიდებელი ქრისტიანების სახელით მოახდინეს უმცირესობაში მყოფ ადამიანთა მშვიდობიანი ჯგუფის დევნა. ეს გახლდათ გალაშქრება არა მხოლოდ ლგბტ საზოგადოების, არამედ საქართველოს სახელმწიფოებრიობის წინააღმდეგაც, რადგან ამ ქმედებით ექსტრემისტულმა ჯგუფმა უგულებელყო საქართველოს კონსტიტუცია და კანონმდებლობა – დემოკრატიული სახელმწიფოებრიობის საფუძველი.

მიგვაჩნია, რომ 2013 წლის 17 მაისს ექსტრემისტულმა ჯგუფმა უხეშად დაარღვია საქართველოს სისხლის სამართლის კოდექსის შემდეგი მუხლები:

126-ე მუხლი – ძალადობა
142-ე მუხლი – ადამიანთა თანასწორუფლებიანობის ხელყოფა;
153-ე მუხლი – სიტყვის თავისუფლების ხელყოფა;
154-ე მუხლი – ჟურნალისტისთვის პროფესიულ საქმიანობაში ხელის შეშლა;
161-ე მუხლი – შეკრების ან მანიფესტაციის უფლების ხელყოფა;
239-ე მუხლი – ხულიგნობა;
352-ე მუხლი – სახალხო დამცველზე ზემოქმედება;
353-ე მუხლი – პოლიციელზე ან ხელისუფლების სხვა წარმომადგენელზე ანდა საჯარო დაწესებულებაზე თავდასხმა;
353-ე პრიმა მუხლი – წინააღმდეგობა, მუქარა ან ძალადობა საზოგადოებრივი წესრიგის დამცველის ან ხელისუფლების სხვა წარმომამდგენლის მიმართ.

ამასთან, 2012 წლის 27 მარტს, სისხლის სამართლის კოდექსში დამატებული 53-ე მუხლის მე-3 პრიმა პუნქტის თანახმად, სექსუალური ორიენტაციისა და გენდერული იდენტობის გამო დანაშაულის ჩადენა პასუხისმგებლობის დამამძიმებელ გარემოებად ითვლება: “დანაშაულის ჩადენა რასის, კანის ფერის, ენის, სქესის, სექსუალური ორიენტაციის, გენდერული იდენტობის, ასაკის, რელიგიის, პოლიტიკური ან სხვა შეხედულების, შეზღუდული შესაძლებლობის, მოქალაქეობის, ეროვნული, ეთნიკური ან სოციალური კუთვნილების, წარმოშობის, ქონებრივი ან წოდებრივი მდგომარეობის, საცხოვრებელი ადგილის ან დისკრიმინაციის შემცველი სხვა ნიშნით შეუწყნარებლობის მოტივით არის პასუხისმგებლობის დამამძიმებელი გარემოება ამ კოდექსით გათვალისწინებული ყველა შესაბამისი დანაშაულისათვის.”

აღმაშფოთებლად მიგვაჩნია ამ ფაქტის შეფასებისას პოლიტიკოსთა ნაწილის მიერ გაკეთებული განცხადებები, რომლებიც დემოკრატიას საზოგადოების უმრავლესობის უმცირესობაზე დიქტატად წარმოადგენენ. დემოკრატიული სახელმწიფო გულისხმობს კანონის წინაშე როგორც საზოგადოების უმრავლესობის, ისე უმცირესობის წარმომადგენელთა თანასწორობას და კანონით მინიჭებული უფლებებით უმცირესობების მიერ თანასწორ სარგებლობას. დემოკრატიულ ქვეყანაში მნიშვნელოვანია ყოველი ადამიანი და არა მხოლოდ უმრავლესობა, კანონის წინაშე თანასწორობა კი თანაბრად უნდა ეხებოდეს საერო თუ სასულიერო პირებს.

არსებობს ვიდეო- და ფოტომასალა, რომელიც შეიძლება მიჩნეულ იქნეს ზემოჩამოთვლილ კანონდარღვათა მტკიცებულებებად. მასზე, კერძოდ, დაფიქსირებულია, რომ სასულიერო პირები არღვევენ პოლიციის კორდონს, რითაც გზას უხსნიან აგრესიულ მასას ლგბტ აქციის დაუცველი მონაწილეებისკენ, უქმნიან მშვიდობიან ადამიანებს ფიზიკური განადგურების საშიშროებას და სდევნიან მათ. მათი ზოგადი ჩართულობა, ჟესტიკულაცია, რეპლიკები და განცხადებები დემონსტრანტებს აგრესიისა და ძალადობისკენ უბიძგებს.

მაგალითისთვის, საგულისხმოა მეუფე იაკობის რამდენიმე განცხადება, რომელშიც მჟღავნდება ქრისტიანული რელიგიის და, შესაბამისად, საზოგადოებრივი აზრისა და მორალის მონოპოლიზების ტენდენცია („ჩვენ ნუ გვასწავლით ქრისტიანობას...“), ასევე ის, რომ იგი მშვიდობიანი აქციის დარბევის ორგანიზატორთაგანია (მეუფე იაკობმა დემონსტრაცია დასრულებულად გამოაცხადა, როგორც „ქართველი ერის დაკვეთა; ჭეშმარიტი ქართველების ნების აღსრულება“ და დემონსტრანტები სამების ტაძარში წაიყვანა).

მოვითხოვთ, ადეკვატურად და დროულად შეაფასოთ აღნიშნული ფაქტები. უმოქმედობა შესაძლოა მეტისმეტად ძვირად დაუჯდეს საქართველოს დემოკრატიულ სახელმწიფოებრიობას, რადგან მიგვაჩნია, რომ ამჟამად ვდგავართ რელიგიური ფუნდამენტალიზმისა და თეოკრატიის სერიოზული საფრთხის წინაშე. ამის თავიდან აცილება ერთადერთი, ცივილიზებული გზით არის შესაძლებელი – ყველა მოძალადე და ძალადობის წამქეზებელი კანონის მოთხოვნის შესაბამისად უნდა დაისაჯოს.

https://docs.google.com/forms/d/1PLhlIV ... form?pli=1

ამ ბმულზე შეიძლება ხელის მოწერა ამ განცხადებაზე.

საქართველოს ვერ დააჩოქებთ!

ქუთაისის საქალაქო სასამართლოში მოსამართლე დავით ახალბედაშვილმა ვანო მერაბიშვილს აღმკვეთი ღონისძიების სახით წინასწარი პატიმრობა შეეფარდა, ხოლო ზურაბ ჭიაბერაშვილს კი 20 ათას ლარიანი გირაო.

სასამართლო პროცესის დროს, ეზოში ნანა კაკაბაძის დანაშაულებრივი დაჯგუფება მართავდა აქციას, რამაც ჩვენი აზრით ზეწოლა მოახდინა სასამართლოს გადაწყვეტილებაზე.
არასამთავრობო ორგანიზაცია „თავისუფალი ზონა“ უარყოფითად აფასებს სასამართლოს განაჩენს და მიიჩნევს რომ ეს არის პოლიტიკურად მოტივირებული გადაწყვეტილება.
აღნიშნული გადაწყვეტილებით საქართველოში გრძელდება პოლიტიკური დევნა რომლის მიზანია ძირითადი ოპოზიციური პარტიის განადგურება და მისი ჩანაცვლება „ქართული ოცნების“ იდენტური პრორუსული ძალით.

ვანო მერაბიშვილის დაკავება და ზურაბ ჭიაბერაშვილზე 20 ათას ლარიანი გირაოს შეფარდება ხდება იმ ფონზე, როდესაც ციხეებიდან გათავისუფლებული არიან ათასობით კრიმინალი, ქუჩებში ძალადობა ჩვეულ მოვლენად იქცა, დანაშაულის სტატისტიკა კი ყოველდღიურად მატულობს.

„თავისუფალი ზონა“ მოუწოდებს ყველა ადამიანს, ვისთვისაც ძვირფასია საქართველოს მომავალი, ვისთვისაც თავისუფლება უმთავრესი ღირებულებაა, ვისაც არ სურს წარსულში დაბრუნება და საქართველოს რუსეთის გავლენის ქვეშ მოქცევა, ხმა ავიმაღლოთ უსამართლობის წინააღმდეგ, ერთად ვუთხრათ საქართველოს დღევანდელ მთავრობას: საქართველოს ვერ დააჩოქებთ!

irakly писал(а):სასამართლო პროცესის დროს, ეზოში ნანა კაკაბაძის დანაშაულებრივი დაჯგუფება მართავდა აქციას, რამაც ჩვენი აზრით ზეწოლა მოახდინა სასამართლოს გადაწყვეტილებაზე.

შ***ცი ეგეთ სასამართლოს,თუ იგი გადაწყვეტილებებს იღებს ვინმეს კარნახით,თუნდაც დაშინებით.
მანამდე ყუბლაშვილის ზეწოლის ქვეშ იმყოფებოდნენ,როგორც ბევრი აცხადებდა,ახლა მათ იქციის მონაწილეები აშინებენ და მათზე ზეწოლას ახდენენ ?!

პეტიცია

საქართველოს პრეზიდენტს - მიხეილ სააკაშვილს
პრემიერ მინისტრს - ბიძინა ივანიშვილს
იუსტიციის მინისტრს - თეა წულუკიანს
მთავარ პროკურორს - არჩილ კბილაშვილს

სამართალი უნდა აღსდგეს! ყველა დამნაშავე უნდა დაისაჯოს!
ჩვენ ყველანი იმ თაობის წარმომადგენლები ვართ, ვინც საქართველოში უკანასკნელი ოცწლეულის მოვლენებს შეესწრო. დარწმუნებული ვარ მტკივნეული იქნება იმაზე საუბარი, თუ რაოდენ მძიმე და მუხანათი დღეები გამოვიარეთ ამ 20 წლის განმავლობაში.
მიგვაჩნია, რომ საზოგადოება საკმაოდ მომწიფდა იმისათვის, რომ ამ პერიოდში მომხდარ ყველა მოვლენას საბოლოოდ დაარქვას თავისი სახელი და მოითხოვონ ყველა იმ პირის კანონის წინაშე წარდგომა ვინ ქვეყანაში გამოიწვია დაპირისპირება და არეულობა.
„სამართალი უნდა აღდგეს, რეჟიმი უნდა გასამართლდეს" ამ ლოზუნგით დღეს საზოგადოების წარმომადგენლები ნანა კაკაბაძის და მელორ ვაჩნაძის ხელმძღვანელობით ახალ ხელისუფლებას „ნაციონალური მოძრაობის" * წლიანი მმართველობის პერიოდში შესაძლო ჩადენილი დანაშაულებების გამოძიებასა და ყოფილი მაღალჩინოსენების გასამართლებას სთხოვენ.
თუ სამართლიანობის დამკვიდრება გსურთ ქვეყანაში, მაშინ სამართლიანობის აღდგენა 1989 წლიდან უნდა დაიწყოთ, გავიხსენოთ 1989 წლის 9 აპრილი, ვინ მოაწყო ქართველთა სისხლიანი სასაკლაო? ვინ დაუპირისპირა ქართველი ქართველს?
ასევე გავიხსენოთ 1991-1992 წლები, მაშინაც ასე დაიწყო შიდა დაპირისპირება და მაშინაც როგორც დღეს ყველაფერს ნანა კაკაბაძე, ჯაბა იოსელიანის მარჯვენა ხელი ორგანიზატორობდა.
შეგახსენებთ, რომ ნანა კაკაბაძე იყო 1992 წლის ამნისტიის სულის ჩამდგმელი, როდესაც უამრავი დამნაშავე - კრიმინალი ციხიდან გამოუშვეს და შემდეგ მათ ბაზაზე შექმნეს "მხედრიონი".
ნანა კაკაბაძის და ჯაბა იოსელიანის კისერზეა 1991-93 წლებში გაჩაღებული რევანშისტული სამოქალაქო ომი, რომელსაც კანონიერად არჩეული ხელისუფლების დამხობა, ქვეყანაში სისხლისღვრა და რეპრესიები მოჰყვა, ეს იყო ჩვენი ქვეყნის უახლეს ისტორიაში ქვეყნის წინაშე ჩადენილი გამოუსწორებელი დანაშაული, რომლის შედეგებს დღესაც ვიმკით, ხოლო ამ ომის შემოქმედნი ; ბოროტმოქმედები და დამნაშავეები, რომელთა უმეტესობა დღემდე არც კი გასამართლებულა დღეს გამოდიან ტელევიზიით და ისტორია გაამეორეს, გამოსცეს საყოველთაო ამნისტია, გაანთავისუფლეს კრიმინალები, პედოფილები, ქვეყნის ჯაშუშები და ხელი შეუწყეს ქვეყანაში არეულობასა და კრიმინალის წახალისებას.
მოვითხოვთ გამოიძიებული იქნას 1991 წელს ხელისუფლების დამხობის, 1991-1993 წლებში სამეგრელოს მშვიდობიანი მოსახლეობის ძარცვის და ფიზიკური ანგარიშსწორების ფაქტები.
გამოიძიებულ იქნას ასევე შევარდნაძისა და მისი გუნდის საქმიანობა, რომლებიც სამწუხაროდ დღესაც იმყოფებიან სახელმწიფო სამსახურებში, გვინდა სამართლიანობის აღდგენა და არა შეცევითი სამართლის დამკვიდრება!!
თუ გამოზიებას ამ თანმიმდევრობით დაიწყებთ, ყოფილი პრემიერ მინისტრის ბატონ ზურბ ჟვანიას გარდაცვალებასთან დაკავშირებულ კითხვებსაც თავისთავად გაეცემა პასუხი.
კიდევ ერთხელ ვიმეორებთ, მოვითხოვთ სამარტლიანობის აღდგენა დაიწყოთ 1991 წლიდან მოყოლებული, მხედრიონის სულის ჩამდგმელის ქალბატონი ნანა კაკაბაძის დაკითხვიდან.
ერისა და ქვეყნის წინაშე უნდა გასამართლდეს ყველა ვისაც კი აქვს ჩადენილი დანაშაული, ამ შემთხვევაში იზეიმებს სამართლიანობა!!

ჩვენ ხელის მომწერნი ვიზიარებთ პეტიციის შინაარსა და მოთხოვნას.
პეტიცია მოამზადა ; https://www.facebook.com/NonaSaghareish ... liEksperti
პეტიციის ავტორი; ნონა საღარეიშვილი

https://docs.google.com/forms/d/1EFgZrU ... ested=true

ბოლო დღეების განმავლობაში საქართველოს მოქალაქეებმა ნათლად დავინახეთ, რომ სახელმწიფო უძლურია დაიცვას ჩვენი ფუნდამენტური უფლებები (მათ შორის სიცოცხლის უფლებაც). ამასთან, სწორედ 17 მაისს, რელიგიურმა ფუნდამენტალიზმმა ყველაზე აგრესიული და მასშტაბური ფორმით გამოააშკარავა თავი საქართველოში. მოგიწოდებთ ყველას მოხვიდეთ აქციაზე და მოითხოვოთ კონსტიტუციაზე დაფუძნებულ სახელმწიფოში ცხოვრება, სადაც კანონის წინაშე ყველა თანასწორია - არა თეოკრატიას!!!
ამჯერად ძალიან მნიშვნელოვანია, რომ 1-2 ათასი ადამიანი მაინც შევიკრიბოთ! მხოლოდ ერთ დღეს, რამდენიმე წუთით მაინც უნდა მოხვიდეთ დედა ენის ბაღში, რომ წინ აღუდგეთ საქართველოს ირანიზაციას.
აქციაზე სხვადასხვა ფოტოგრაფები, არტისტები გამოფენენ ნამუშევრებს თემაზე "არა სიბნელეს". რამდენიმე დღეში მზად იქნება ვიდეო მიმართვა "არა თეოკრატიას" სხვადასხვა სფეროს წარმომადგენლების მონაწილეობით. დედა ენის ბაღში გამოვფენთ სასულიერო პირების და მრევლის მიერ სხვადასხვა დროს ჩადენილ სისასტიკეთა ამსახველ ფოტოებს.

გელოდებით ყველას - პარასკევს, 19:00-ზე უნდა დავანახოთ საქართველოს და მსოფლიოს, რომ ჩვენ არ ვართ 200 კაცი.